नेकपा (एमाले) को केन्द्रीय कमिटी बैठकमा नेता खिमलाल भट्टराईले व्यवसायी मीनबहादुर गुरूङले पार्टी कार्यालय बनाउने प्रयोजनका लागि दिएको जग्गा फिर्ता गर्न माग गरेका छन्।
उनले कम्युनिष्ट पार्टीका नेता तथा कार्यकर्ताहरूले दान तथा चन्दा सहन नसक्ने पनि बताए। त्यसैले व्यवसायी गुरूङलाई धन्यवाद दिएर जग्गा फिर्ता दिनुपर्ने उनको भनाइ छ।
‘कम्युनिष्टहरूले दान र चन्दा पचाउन सक्दैनन्, त्यो स्कुलिङ पनि हाम्रो होइन,’ उनले भने, ‘मीनबहादुरलाई धन्यवाद भनौं र जग्गा फिर्ता दिऔं।’
केन्द्रीय सदस्य रचना खड्काले पनि व्यवसायीले दान दिएको जग्गामा पार्टी कार्यालय बनाउन नहुने बताएकी थिइन्।
