नेपाली कांग्रेसका सभापति शेरबहादुर देउवा र राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनबीच भेटवार्ता भएको छ।
मंगलबार अपराह्न सभापति देउवालाई भेट्न उनकै निवास बूढानीलकण्ठमा अध्यक्ष लिङ्देन पुगेका थिए।
राप्रपा प्रवक्ता मोहन श्रेष्ठका अनुसार अध्यक्ष लिङ्देन र सभापति देउवाबीच समसामयिक राजनीतिक घटनाक्रमबारे छलफल भएको छ।
‘समसामयिक राजनीतिक घटनाक्रमबारे उहाँहरूबीच कुराकानी भएको हो,’ प्रवक्ता श्रेष्ठले भने।
