नेपाली कांग्रेसका नेता प्रकाशमान सिंहले राजनीतिक परिवर्तन जस्तै आर्थिक समृद्धिका लागि पनि कांग्रेस पार्टी सक्षम रहेकाे बताएका छन्।
कांग्रेस रूपन्देहीले मंगलबार आयाेजना गरेकाे कार्यकर्ता भेटघाट कार्यक्रममा बोल्दै उनले राजनीतिक परिवर्तनसँगै आर्थिक समृद्धिकाे नेतृत्व गर्न पनि कांग्रेसले क्षमता राख्ने बताए।
‘जसरी राजनीतिक अधिकार गुमेकाे बेलामा कांग्रेसले जनतालाई सार्वभाैमसत्ता सम्पन्न बनाउन पाेलिटिकल लिडरसिप लियाे, आर्थिक समृद्धिका लागि पनि कांग्रेस पार्टी नै सक्षम छ,´ उपप्रधानमन्त्री तथा सहरी विकास मन्त्रीसमेत रहेका सिंहले भने।
कांग्रेस सांगठनिक रूपमा सशक्त र व्यवस्थित बनाउनुपर्ने पनि उनले बताए। कांग्रेसभित्र लाेकतान्त्रिक राजनीतिक संस्कार विकास गर्नुपर्ने उनले बताए।
