नेपाल भ्रमणमा रहेका अमेरिकाका दक्षिण तथा मध्य एसिया हेर्ने सहायक विदेशमन्त्री डोनाल्ड लुले नेपाली कांग्रेसका सभापति शेरबहादुर देउवासँग भेटवार्ता गरेका छन्।
सभापति देउवा र लुबीच बूढानीलकण्ठस्थित देउवा निवासमा आइतबार भेटवार्ता भएको हो।
भेटमा उनीहरूबीच द्विपक्षीय हितका विविध पक्ष र समसामयिक विषयमा छलफल भएको सभापति देउवाका स्वकीय सचिव भानु देउवाले बताए।
विदेशमन्त्री लु आइतबार नेपाल आएका थिए।
नेपाल भ्रमणका क्रममा शीर्ष नेतृत्वसँग शिष्टाचार भेट र नागरिक समाजसँग कुराकानी गर्ने कार्यक्रम छ।
