प्रधानमन्त्री केपी शर्मा ओली चीनको बेइजिङ पुगेका छन्।
चीनको चार दिने औपचारिक भ्रमणका लागि प्रधानमन्त्री ओली सरकारी प्रतिनिधि मण्डलसहित सोमबार साँझ चीन पुगेका हुन्।
हिमालयन एअरलाइन्सको चार्टर्ड विमानबाट प्रधानमन्त्री ओलीसहितको टोली सोमबार बिहान त्रिभुवन अन्तर्राष्ट्रिय विमानस्थलबाट त्यसतर्फ प्रस्थान गरेका थिए।
प्रधानमन्त्री ओलीलाई चिनियाँ कम्युनिष्ट पार्टीका वैदेशिक मामिलाका उपमन्त्री सुन बेइदोङले बेइजिङक क्यापिटल अन्तर्राष्ट्रिय विमानस्थलमा स्वागत गरेका थिए।
प्रधानमन्त्री ओलीले मंगलबार चीनमा उच्चस्तरीय भेटवार्ता गर्ने कार्यक्रम छ।
मंगलबार नै नेपाल र चीनका बीचमा दुईपक्षीय सम्झौता हुने परराष्ट्र मन्त्रालयले जनाएको छ।
