ताप्लेजुङको सिरिजंगा गाउँपालिका-३ मा वडाध्यक्ष पदका लागि भएको निर्वाचनको मतगणना सुरू भएको छ।
निर्वाचन आयोगले अद्यावधिक गरेको विवरण अनुसार यहाँ एमालेका कुमारी सावादेनले कांग्रेसका भीमकुमार लक्सम्वालाई पछि पारेका छन्।
सावादेनले २११ मत पाउँदा लकसम्बाले १३३ मत ल्याएका छन्। माओवादी केन्द्रका अम्बी साउदेनको १२४ मत छ।
२०७९ को स्थानीय तह निर्वाचनमा यो वडामा कांग्रेसका दिलप्रसाद वोखिम ४०३ मत प्राप्त गर्दै विजयी भएका थिए।
त्यतिबेला एमालेकी कुमारी सावादेन नै उम्मेदवार थिइन्। उनले ३९९ मत ल्याएकी थिइन्।
