रूकुम पश्चिमको सानीभेरी गाउँपालिका– ५ को वडाध्यक्षमा नेपाली कांग्रेसका उम्मेदवार विजयी भएका छन्।
यहाँ कांग्रेसका मोतिराम खत्री ५३ मतान्तरले विजयी भएका हुन्।
उनले ५९० मत प्राप्त गरी निर्वाचित भएको जिल्ला प्रहरी प्रमुख डिएसपी नवराज पोख्रेलले बताए।
उनका निकटतम प्रतिस्पर्धी नेकपा माओवादी केन्द्रका जसिराम खत्रीले ५३७ मत पाएका छन्।
यहाँ जम्मा ११४६ मत खसेको थियो। त्यसमध्ये १९ मत बदर भएको छ।
२०७९ सालको निर्वाचनमा पनि यो वडामा कांग्रेसका अलबहादुर खत्री निर्वाचित भएका थिए। उनको मृत्यु भएकाले आइतबार उपनिर्वाचन भएको थियो।
-1733059153.jpg)
