जाजरकोटको कुशे गाउँपालिका-७ को वडाध्यक्षमा नेपाली कांग्रेसका उम्मेदवार खम्बबहादुर सिंह विजयी भएका छन्।
अन्तिम मत परिणाम अनुसार कांग्रेसका खम्बबहादुर सिंह ३४७ मत सहित विजयी भएका हुन्।
उनले माओवादी उम्मेदवारलाई १५ मतले पछि पारेका हुन्।
नेकपा माओवादी केन्द्रका गोरख बहादुर सिंहले ३३२ मत ल्याएका छन्।
यस्तै एमालेका डम्बर बहादुर घर्तीले २६२ मत ल्याएका छन् भने राप्रपाका लालबहादुर खत्रीले ८ मत ल्याएका छन्।
कुल खसेको ९५६ मतमध्ये १८ मत बदर भएको छ।
यसअघि यो वडा माओवादी केन्द्रले जितेको थियो। वडाध्यक्ष मुनबहादुर घर्तीको निधन भएपछि रिक्त पदमा उपनिर्वाचन भएको हो।
