जाजरकोटको कुशे गाउँपालिका-७ को वडाध्यक्षमा नेपाली कांग्रेसले अग्रता लिएको छ।
आइतबार भएको उपनिर्वाचनको मतगणना अनुसार कांग्रेस उम्मेदवार खम्ब बहादुर सिंहले अग्रता लिएका हुन्।
हालसम्म ७०३ मत गणना हुँदा कांग्रेसका सिंहले २५४ मत पाएका छन्।
नेकपा माओवादी केन्द्रका गोरख बहादुर नेपालीले २५१ मत पाएका छन्।
नेकपा एमालेका उम्मेदवार डम्बर बहादुर घर्तीले १८० मत पाएका छन्।
राप्रपाका उम्मेदवार लालबहादुर खत्रीले ५ मत पाएका छन्।
हालसम्म १३ मत बदर भएको छ भने यहाँ ९५६ मत खसेको थियो।
