कालिकोटको तिलागुफा नगरपालिका–४ को वडाध्यक्ष नेपाल मजदुर किसान पार्टीले नेकपा माओवादी केन्द्रबाट खोसेको छ।
यहाँ नेमकिपाका उम्मेदवार खड्गराज शाही निर्वाचित भएका छन्। आइतबार मतदानलगत्तै भएको मतगणनाको अन्तिम मतपरिणाम अनुसार १४३ मतसहित शाही निर्वाचित भएका हुन्।
उका प्रतिद्वन्दी नेकपा माओवादी केन्द्रकी नैसोभा शाहीले ११५ मत ल्याएका छन्।
नेकपा एमालेका ऐनबहादुर शाहीले ७८, कांग्रेसका पैलबहादुर शाहीले ४९, रास्वपाका गगन बमले ५, राप्रपाका गोगनबहादुर शाहीले १७ मत ल्याएका छन्।
खसेको मतमध्ये ४ मत बदर।
यसअघि माओवादीका परबहादुर शाही अध्यक्ष थिए। उनको २०७९ मा मृत्यु भएको थियो। माओवादीका शाहीले त्यसबेला २३४ मत ल्याएका थिए। उनका निकटतम प्रतिद्वन्दी नेमकिपाका दिपबहादुर शाहीले १६१ मत ल्याएका थिए।
