उपप्रधानमन्त्रीसमेत रहेका सहरी विकास मन्त्री प्रकाशमान सिंहले मतदान गरेका छन्।
काठमाडौं महानगरपालिका वडा नम्बर १६ मा आइतबार जारी उपनिर्वाचनका क्रममा उपप्रधानमन्त्री सिंहले मतदान गरेका हुन्।
उपप्रधानमन्त्री सिंह वडा नम्बर १६ का बासिन्दा हुन्।
उपप्रधानमन्त्री सिंहले पक्नाजालस्थित युवक मावि मतदान केन्द्रबाट मतदान गरेको उनको सचिवालयले जानकारी दिएको छ।
मतदानपछि पत्रकारहरूसँग कुराकानी गर्दै सिंहले लोकतन्त्रको सुदृढीकरणका लागि सबैले उत्साहपूर्वक मतदान गर्नुपर्नेमा जोड दिए।
वडा नम्बर १६ का अध्यक्ष मुकुन्द रिजालकाे निधनपछि रिक्त रहेकाे पदमा उपनिर्वाचन भएकाे हाे।
