प्रधानमन्त्री केपी शर्मा ओलीले सरकार ढल्ने भनेर कसैले पनि दिवा सपना नहेर्न बताएका छन्।
बुधबार सरकारको १०० दिन पुरा गरेको अवसरमा सम्बोधन गर्दै उनले सरकार ढल्ने सपना कसैले पनि नदेखे हुने बताएका हुन्।
उनले काम गर्न नदिने उद्देश्यले सरकार ढल्ने अफवाह फैलाइएको बताएका छन्।
‘हाम्रा सुन्दर, सिष्ट र समृद्ध सामाजिक सांस्कृतिक मूल्यहरूलाई कमजोर पार्ने प्रयत्नहरूलाई असफल बनाइनेछ। सरकार अहिले ढल्छ, भरे ढल्छ, भोलि बिहानै ढल्छ भन्ने अफवाह फैलाउने गरिएको छ,’ उनले भने, ‘यो काम गर्न नदिने उद्देश्यले चलाइएको हल्ला हो। कांग्रेस र एमाले जस्तो इतिहास बोकेको पार्टी मिलेर बनाइएको सरकार ढल्ने दिवा सपना कसैले नदेखे हुन्छ।’
