नेपाली कांग्रेसको केन्द्रीय समिति बैठक सार्ने निर्णय भएको छ।
बुधबार अपराह्न ३ बजेका लागि तय भएको बैठक भदौ १६ गते आइतबार दिउँसो २ बजे बस्ने गरी निर्धारण गरिएको मुख्यसचिव कृष्णप्रसाद पौडेलले जानकारी दिए।
महामन्त्रीद्वय गगन थापाले पेस गरेको सांगठनिक र विश्वप्रकाश शर्माले पेस गरेको समसामयिक राजनीतिक प्रस्तावका कतिपय विषयमा सहमति जुटाउनुपर्ने देखिएकोले बैठक सारिएको नेताहरूको भनाइ छ।
बूढानीलकण्ठमा मंगलबार पनि सभापति शेरबहादुर देउवा, उपसभापतिहरू र महामन्त्रीहरूबीच प्रस्तावका कतिपय विषयमा केन्द्रित रहेर छलफल गरेका थिए।
गत फागुनमा महासमिति बैठकमा पेस गरेको प्रस्ताव केन्द्रीय समितिबाट अनुमोदन गर्ने भनिएको थियो।
यो पनि: कांग्रेसभित्र मतभेद ल्याएका गगन-विश्वप्रकाशका यी प्रस्ताव
