प्रधानमन्त्री केपी शर्मा ओलीले सहकारी ठगीमा जोकोही संलग्न भएपनि कारबाही गरिने बताएका छन्।
आइतबार प्रतिनिधि सभामा विश्वासको मतसम्बन्धि प्रस्ताव प्रस्तुत गर्दै प्रधानमन्त्री ओलीले सहकारी ठगीमा संलग्न जोकोहीलाई कानुनी कारबाही गर्नेछौं
‘सहकारी पीडितका सम्वन्धमा उचित निर्णय लिनेछौं र जोसुकै भए पनि सहकारी ठगलाई कानुनी कारवाही गर्ने छौं,’ उनले भने।
उनले सरकारले भ्रष्टाचार नगर्ने र अख्तियार दुरूपयोगसँग जोडिएका विषयको छानबिन तथा अनुसन्धान गर्ने प्रतिबद्धता व्यक्त गरेका छन्।
‘कुनै कालखण्डमा भएका भ्रष्टाचार र जो कोही भ्रष्टाचारीउपर कानुनी कारबाही अघि बढाउछौं । भ्रष्टाचारी एक दिन कानुनको कठघरामा पुग्नेछ भन्ने विश्वास समाजमा स्थापित गराउछौं,’ उनले भने।
प्रधानमन्त्री ओलीले सुशासनका लागि ‘स्टन्ट’ सही ‘इन्टेन्सन’ चाहिने बताए।
