नेपाली कांग्रेसका सभापति शेरबहादुर देउवाले काठमाडौंको धापासीमा नेपाल महिला संघको भवन शिलान्यास गरेका छन्।
बुधबार आयोजित कार्यक्रममा सभापति देउवाले धापासीस्थित मंगलानगरमा संघको भवन शिलान्यास गरेको अध्यक्ष उषा रावत मिश्रले जानकारी दिइन्।
सो कार्यक्रममा उपप्रधानमन्त्रीसमेत रहेका सहरी विकास मन्त्री प्रकाशमान सिंहले भवनको माध्यमबाट संगठनलाई विस्तार गर्ने काम महिला संघले गर्नुपर्ने बताए।
अधिकार प्राप्तिका लागि मंगलादेवी लगायतको योगदान बिर्सन नहुने पनि सिंहले बताए। उनले समयमै भवन निर्माण सम्पन्न हुनुपर्ने पनि बताए।
सभापति देउवाले शिलान्यास गर्ने तर भवन निर्माण नसक्ने प्रवृत्ति देखिएको भन्दै नेपाल महिला संघले समयमै भवन बनाएर उद्घाटनको परिस्थिति बन्नुपर्ने बताए।
