प्रधानमन्त्री पुष्पकमल दाहाल ‘प्रचण्ड’ले सहमति नाघेर र छलछाममा लागेर संविधान संशोधनका नाममा राष्ट्रलाई अनावश्यक द्वन्द्वतिर नलैजान आग्रह गरेका छन्।
प्रतिनिधिसभाबाट आज विश्वासको मत लिने क्रममा प्रधानमन्त्री प्रचण्डले संविधान सभामा संविधान निर्माणको प्रक्रिया पनि व्यापक विचार विमर्श र अधिकतम राष्ट्रिय सहमतिबाट अघि बढेको र त्यो सहमति नाघेर संविधान संसोधनका नाममा राषट्रलाई द्वन्द्वतिर नलैजान आग्रह गरेका हुन्।
प्रधानमन्त्री प्रचण्डले एमाले र कांग्रेसले राष्ट्रिय सहमति नभई षड्यन्त्र गरेको बताए। राष्ट्रिय सहमतिको पहलकदमी दिनकै उज्यालोमा र जनताको खुला जानकारीमा पनि लिन सकिने तर त्यसो नभएको उनले बताए।
'नियत सही हुन्थ्यो भने राष्ट्रिय सहमतिको बिमर्श यही सम्मानित संसदमा सुरू गर्न सकिन्थ्यो। तपाईहरू विमर्श होइन, षड्यन्त्रमा हुनुहुन्छ भन्ने तथ्य तपाईहरूले सहमति गरेको ठाउँ र समयबाट पुष्टि हुन्छ। स्वाभाविक र विवेकसम्मत काम गर्दा त्यो तहको डर हुँदैन।'
-ink-1720765910.jpeg)
