प्रमुख प्रतिपक्षी दल नेपाली कांग्रेसका सांसद रामहरि खतिवडाले पार्टीको सदस्यता नवीकरण गर्ने पूर्वराष्ट्रपतिले पूर्वराष्ट्रपतिको हैसियतमा सेवा सुविधा लिन मिल्ने कि नमिल्ने भनी प्रश्न गरेका छन्।
बुधबार प्रतिनिधि सभाको शून्य समयमा बोल्दै सांसद खतिवडाले पूर्वराष्ट्रपतिले पार्टीको सदस्यता नवीकरण गर्न लागेको समाचार सुनिएको बताउँदै त्यस्तो अवस्थामा पूर्वराष्ट्रपतिको हैसियतमा सुविधा पाउने कि नपाउने भन्ने विषयमा सरकारले जबाफ दिनुपर्ने बताएका छन्।
‘पार्टीको सदस्यता नवीकरण गरेको हो भने पूर्व राष्ट्रपतिको हैसियतमा सुविधा लिन मिल्छ कि मिल्दैन राज्यले त्यस बारेमा के सोचेको छ, सरकारले त्यसको जवाफ देओस्, संविधानमा के छ? त्यो सरकारले जवाफ देओस्,’ उनले भने।
खतिवडाले धितोपत्र बोर्डको अध्यक्ष नियुक्त गर्न सत्तारूढ दलहरूमा रस्साकस्सी चलेको र कानुनी प्रक्रिया नपुर्याइकन नियुक्त गर्ने प्रक्रिया अगाडि बढेको भन्ने आफूले सुनेको बताउँदै कानुन सम्मत नियुक्त गर्ने प्रक्रिया अघी बढाउन आग्रह गरेका छन्।