सुदूरपश्चिमका मुख्यमन्त्री दीर्घ सोडारीले मन्त्रिपरिषद् विस्तार गर्ने भएका छन्।
आइतबार प्रधानमन्त्री पुष्पकमल दाहाल 'प्रचण्ड', एमाले अध्यक्ष केपी शर्मा ओली र नेकपा एकीकृत समाजवादीका अध्यक्ष माधवकुमार नेपालबीच भएको छलफलमा एमाले र माओवादी सदूरपश्चिम सरकारमा सहभागी हुने सहमति भएपछि मुख्यमन्त्री सोडारीले सोमबार मन्त्रिपरिषद् विस्तार गर्न लागेका हुन्।
सोमबार तीन र माओवादी केन्द्रका तीन जना मन्त्रीहरूले शपथ लिन लागेको स्रोतले बतायो। स्रोतका अनुसार एमालेबाट अर्थ मन्त्रीमा सुरेन्द्र पाल तथा वीरबहादुर थापाले विनाविभागीय मन्त्रीको शपथ लिँदै छन्।
यस्तै माओवादी केन्द्रका ओमविक्रम भाटले सामाजिक विकास मन्त्रीको शपथ लिँदै छन्। वीरबहादुर थापा र हिरा सार्कीको भने विभाग तोकिएको छैन।
सोडारीले मुख्यमन्त्री भएको झण्डै दुई महिनापछि मन्त्री परिषद् विस्तार गर्न लागेका हुन्।
