उपप्रधान तथा गृहमन्त्री रवि लामिछानेले आइतबार साँझ प्रतिनिधि सभा बैठकमा आफूमाथि लागेका आरोपबाट जबाफ दिएका छन्।
लामिछानेमाथि प्रमुख प्रतिपक्षी नेपाली कांग्रेसले सहकारीको बचत अपचलन, हिनामिना, ठगी र दुरूपयोगमा संलग्न रहेको भन्दै संसदीय छानबिन समिति गठनको माग गर्दै आएको थियो।
प्रमुख प्रतिपक्षी कांग्रेसले केही समयदेखि गृहमन्त्रीलाई रोस्टम प्रयोगमा रोकेको थियो। तर कांग्रेसले संसदीय छानबिन समिति गठन गर्न प्रधानमन्त्रीसहित सत्ता पक्ष तयार देखिएको भन्दै गृहमन्त्रीको कुरा सुन्न तयार रहेको बताएको थियो।
गृहमन्त्री लामिछानेले आफू कुनै पनि सहकारी घोटालामा नलागेको र आफ्नो नाममा भनेर ऋण प्रवाह भएको भनिएको सहकारीमा आफू संचालक समिति, सदस्य समेत नभएको बताएका छन्।
उनले मिडियामा आएकै भरमा संसदीय छानबिन समिति बनाउने भए कांग्रेसकै कतिपय सांसदहरूका समाचारहरू पनि आएको र त्यसबारे पनि छानबिन गर्न तयार हो भनेर प्रश्न गरेका छन्।
साथै लामिछानेले जिबी राईले गरेका सारा फोहोर आफूले सोहोर्नु नपर्ने पनि बताएका छन्। जिबी र रवि ग्यालेक्सी टेलिभिजनमा सँगै थिए। त्यसबेला ग्यालेक्सी टिभी चलाएको गोर्खा मिडियामा विभिन्न सहकारीबाट पैसा आएको आरोप छ।
गृहमन्त्री लामिछानेले भने, ‘कसैले मेरो नाम जताततै लेखिदियो सभामुख महोदय, जिबी राईले गरेका सारा फोहोर मैले सोहोर्नुपर्छ भन्ने छैन।’
भिडिओ: