बझाङको प्रदेश सभा उपनिर्वाचनअन्तर्गत जारी मत गणनामा नेकपा (एमाले) का उम्मेदवार दमनबहादुर भण्डारीले २० मतले अग्रता लिएका छन्।
कुल सदर मत २७ हजार ३५७ मत गणना हुँदा एमाले उम्मेदवार भण्डारीले १० हजार ४११ मत ल्याएका छन्।
उनका निकटतम प्रतिद्वन्द्वी नेपाली कांग्रेसका अभिषेकबहादुर सिंहले १० हजार ३९१ मत ल्याएका छन्।
तेस्रो स्थानमा नेकपा (माओवादी केन्द्र) छ। माओवादी केन्द्रका उम्मेदवार जनकबहादुर बुढाले ३ हजार ७१३ मत ल्याएका छन्।
चौथो स्थानमा रहेका एकीकृत समाजवादीका दिलबहादुर सिंहले २ हजार ४४९ मत प्राप्त गरेका छन्।
२०७९ को चुनावमा गठबन्धन गरेर यहाँ कांग्रेसले जितेको थियो।
