राष्ट्रिय प्रजातन्त्र पार्टीका अध्यक्ष राजेन्द्र लिङदेन हङकङ प्रस्थान गरेका छन्।
पार्टीसम्बद्ध प्रवासी नेपाली एकता समाज हङकङको अधिवेशनमा सहभागी हुन अध्यक्ष लिङ्देन आज बिहान हङकङ प्रस्थान गरेका हुन्।
हङकङमा उनले त्यहाँ रहेका नेपाली समुदायसँग भेट्ने, छलफल र अन्तरक्रिया कार्यक्रममा सहभागी हुनेछन्।
लिङ्देनसँगै लिङ्देनको भ्रमण दलमा राप्रपा बरिष्ठ उपाध्यक्ष रवीन्द्र मिश्र, प्रवासी नेपाली एकता समाज (पानस) आइसिसिका अध्यक्ष प्रेमकुमार श्रेष्ठ र केन्द्रीय सदस्य हिक्मत जङ्ग कार्की पनि सहभागी छन्।
लिङ्देन पुस १२ गते फर्कनेछन्।
उनको अनुपस्थितिमा पार्टीका वरिष्ठ नेता तथा उपाध्यक्ष बुद्धिमान तामाङलाई लिङ्देनले कार्यवाहक अध्यक्षको जिम्मेवारी प्रदान गरेका छन्।
