प्रतिनिधि सभाको बैठकमा दुई वटा विधेयक प्रस्तुत भएका छन्।
आइतबारको प्रतिनिधि सभा बैठकमा ‘बैंकिङ् कसुर तथा सजाय (दोस्रो संशोधन) विधेयक, २०८०’ र ‘भन्सार विधेयक, २०८०’ प्रस्तुत भएको हो।
दुवै विधेयक अर्थमन्त्री डा.प्रकाशशरण महतको तर्फबाट कानुन, न्याय तथा संसदीय मामिलामन्त्री धनराज गुरुङले प्रस्तुत गरेका हुन्।
त्यस्तै आजको बैठकमा सभामुख देवराज घिमिरेले संयुक्त राष्ट्र संघका महासचिव एन्टोनियो गुटेरेसले संसदका दुवै सदनलाई कार्तिक १४ गते मंगलबार अपराह्न ४ बजे सम्बोधन गर्ने जानकारी गराए।
उनले महासचिव गुटेरेसले सम्बोधन गर्ने दिन संसदमा औपाचारिक पोशाकमा उपस्थित हुन सांसदहरुलाई निर्देशन समेत दिए।
