राष्ट्रिय स्वतन्त्र पार्टीका सांसद हरि ढकालले संसदमा बैठक सकिएपछि पनि हाजिर गर्ने व्यवस्था मिलाउन माग गरेका छन्।
आइतबार प्रतिनिधि सभा बैठकमा बोल्दै सांसद ढकालले सांसदहरूमा हाजिर गरेर टाप कस्ने प्रवृत्ति बढेकाले बैठक सकिएपछि पनि हाजिर गर्ने व्यवस्था मिलाउन सभामुखसमक्ष आग्रह गरे।
उनले जारी अधिवेशनमा विधेयक ल्याउँद दुई–दुई पटकसम्म गणपूरक संख्या नपुगेको बताउँदै सांसदहरूको यस्तो प्रवृत्तिले बाहिर नराम्रो सन्देश जाने बताए।
‘थिती बसाउने ठाउँमा पनि यस्तो भए समाजमा कस्तो सन्देश जान्छ?उनले प्रश्न गरे।
संसदमा हाजिर गरेर टाप कस्नेहरूले नै बाहिर निस्केर संसदीय मूल्य, मर्यादा र थितिका बारेमा बोल्दा सन्देश राम्रो नजाने उनले बताए।
त्यसकारण बैठक सुरू हुँदा र सकिँदा दुईपटक हाजिर गर्ने व्यवस्था मिलाउन उनले आग्रह गरे।
