चिनियाँ कम्युनिष्ट पार्टीको महासचिवमा सी चिनफिङ तेस्रो कार्यकालका लागि चुनिएका छन्।
साउथ चाइना मर्निङ पोष्टका अनुसार आइतबार उनले आफ्नो नयाँ टिम सार्वजनिक गरेका हुन्।
चिनियाँ कम्युनिष्ट पार्टीको निर्णय गर्ने सर्वोच्च निकाय पोलिटब्युरोको स्थायी समिति हो। सात सदस्यीय उक्त समितिमा सीले आफ्नानिकटहरूलाई बढुवा गरेका छन्।
स्थायी समितिमा ली छियाङ, ली सी, दिङ सेउसियाङ, काइ छी, वाङ हुनिङ, झाओ लेजी परेका छन्।
सी चिनफिङले आइतबार ग्रेट हल अफ द पिपलले नयाँ स्थायी कमिटी सदस्यहरूलाई प्रेससमक्ष प्रस्तुत गरेका छन्।
अहिलेका प्रधानमन्त्री ली खछ्याङ र सभामुख ली चाङ्शु भने चिनियाँ कम्युनिष्ट पार्टीको केन्द्रीय सदस्यमा नै परेका छैनन्।
