विवेकशील साझा पार्टीले काठमाडौं क्षेत्र नं. १ मा अन्तर्राष्ट्रिय नेपाली टाेपी दिवस अभियन्ता तथा उद्यमी शंकर बन्जाडेलाई उम्मेदवार बनाएको छ।
पार्टीको सूचना तथा सञ्चार प्रविधि विभागका अनुसार आइतबार निर्वाचन कार्यालय काठमाडौं क्षेत्र नं. १ पुगेर अभियन्ता बन्जाडेले उम्मेदवारी दर्ता गराएका हुन्।
बन्जाडे अन्तर्राष्ट्रिय नेपाली टोपी दिवस अभियानका संस्थापक अभियानकर्मी हुन्।
लामो समय नेपाली टोपी प्रवर्द्धनमा अग्रणी भूमिका निर्वाह गरेका बन्जाडे युवा उद्यमी पनि हुन्।
विभिन्न संघ संस्थामा आबद्ध भएर समाजसेवामा क्रियाशील बन्जाडे भ्रष्टाचार विरोधी अभियन्ता समेत भएको पार्टीको सूचना तथा सञ्चार प्रविधि विभागले जनाएको छ।
