नेपाली कांग्रेसका सभापति शेरबहादुर देउवाले राष्ट्रिय सभा संसदीय दलको नेतामा पार्टीका सांसद रमेशजंग रायमाझीलाई मनोनीत गरेका छन्।
कांग्रेस संसदीय दलका निजी सचिव केशवराज जोशीले दिएको जानकारीअनुसार रायमाझीलाई सोमबार संसदीय दलका नेता मनोनीत गरेका हुन्।
‘कांग्रेस सभापति एवं संसदीय दलका नेता शेरबहादुर देउवाले कांग्रेस संसदीय दलको विधान (संशोधन तथा परिमार्जनसहित, २०७४) को धारा १२ को उपधारा (१) बमोजिम राष्ट्रिय सभा सदस्य रमेशजंग रायमाझीलाई कांग्रेस राष्ट्रिय सभाका लागि संसदीय दलको नेता पदमा मनोनयन गर्नु भएको छ’ जोशीले निकालेको विज्ञप्तिमा उल्लेख छ।
