एमाले परित्याग गरेका सिन्धुपाल्चोकका सुवास कर्मचार्य नेकपा एकीकृत समाजवादी प्रवेश गरेका छन्।
बुधबार काठमाडौंमा आयोजित पार्टी प्रवेश कार्यक्रममा एकीकृत समाजवादीका अध्यक्ष माधव नेपालले कर्मचार्यलाई पार्टी प्रवेश गराएका हुन्।
एमालेको दसौं महाधिवेशनपछि असन्तुष्ट बनेका कर्मचार्यले एमाले परित्याग गरेका थिए।
कर्मचार्य सिन्धुपाल्चोक एमालेका प्रभावशाली नेता समेत हुन्। उनी सिन्धुपाल्चोकका पूर्वप्रमुख समेत हुन्। उनी एकपटक सिन्धुपाल्चोकबाट सांसद समेत निर्वाचित भएका थिए।
कार्यक्रममा बोल्दै कर्मचार्यले पार्टी अध्यक्ष केपी शर्मा ओली नसुध्रिएका कारण एमाले छोडेको बताए।
