नेकपा माओवादी केन्द्रका अध्यक्ष पुष्पकमल दाहाल 'प्रचण्ड' ले स्थायी कमिटी बैठक बोलाएका छन्।
शुक्रबार बिहान साढे ८ बजे पार्टी कार्यालय पेरिसडाँडामा बैठक बस्ने कमिटी सदस्य गणेश साहले बताए।
बैठकमा आगामी पुस ११ गतेदेखि हुने राष्ट्रिय सम्मेलनको तयारीबारे छलफल हुने उनले जानकारी दिए।
यसका साथै बैठकमा प्रचण्डले तयार गरेको दस्तावेज पनि पेस हुने बताइएको छ।
पुसको ११ देखि १३ गतेसम्म पार्टीको राष्ट्रिय सम्मेलन काठमाडौंमा हुने भएको छ। सम्मेलनमा १५ सय बढी प्रतिनिधि सहभागी हुने पार्टीले जनाएको छ।
