प्रहरी प्रधान कार्यालयले २२ एसपीको सरूवा गरेको छ। प्रधान कार्यालय र जिल्ला प्रहरी कार्यालयमा कार्यरत एसपीको सरूवा गरिएको हो।
प्रहरी महानिरीक्षक शैलेन्द्र थापा क्षेत्रीले शनिबार २२ एसपीको सरूवा गरेका हुन्।
प्रधान कार्यालयको मानव बेचबिखन अनुसन्धान ब्यूरोमा कार्यरत अनुरागकुमार द्विवेदीलाई सुदूरपश्चिम सशस्त्र प्रहरी गणमा सरूवा गरिएको छ।
अविनारायण काफ्ले अख्तियारबाट जिल्ला प्रहरी कार्यालय सप्तरीमा, कृष्ण प्रसाईं २ नम्बर प्रदेश प्रहरी कार्यालय जनकपुरबाट जिल्ला प्रहरी सर्लाही, टीकाबहादुर केसी काठमाडौं उपत्यका प्रहरी कार्यालय अन्वेषण योजना तथा विकास शाखाबाट लुम्बिनी प्रदेश सशस्त्र प्रहरी गण मुख्यालय सरूवा भएका छन्।
यस्तै रमेशकुमार बस्नेतलाई जिल्ला प्रहरी कार्यालय पर्सा सरुवा गरिएको छ। मकवानपुरमा कार्यरत सोमेन्द्र सिंह राठोरलाई युएन जगेडा कोषमा सरूवा गरिएको छ। यस्तै स्याङ्जाका होबिन्द्र बोगटीलाई प्रहरी प्रधान कार्यालय कानून शाखामा सरूवा गरेको छ। हेर्नुहोस् सूची
.JPG)
