नेकपा एमालेले पाँचथरमा आज वडा अधिवेशन गर्ने भएको छ।
गत कात्तिक ६ मा वडा अधिवेशन गर्नुपर्ने भए पनि अविरल वर्षाले रोकिएको थियो।
पाँचथरका ६० वटै वडामा एमालेले आज एकैचोटी वडा अधिवेशन गर्न लागेको छ।
एमाले नेता विमल सापकोटाले आज वडा अधिवेशन गरिने बताए।
एमालेले पाँचथरमा कात्तिक २७ मा पालिका अधिवेशन गर्ने तयारी गरेको छ। पाँचथरमा ८ वटा स्थानीय तह छ।
एमालेले मंसिर १० देखि १२ सम्म दसौं राष्ट्रिय महाधिवेशन चितवनमा गर्दैछ।
