नेकपा माओवादी केन्द्रको भातृ संगठन अखिल क्रान्तिकारीको अध्यक्षमा पञ्चा सिंह चयन भएकी छन्।
काठमाडौंमा जारी क्रान्तिकारीको अधिवेशनले अध्यक्ष चयन गर्ने जिम्मेवारी नेकपा माओवादी केन्द्रका अध्यक्ष पुष्पकमल दाहाल प्रचण्डलाई दिएको थियो।
अध्यक्ष प्रचण्डले अखिल क्रान्तिकारीको अध्यक्षमा सिंहलाई आज चयन गरेका हुन्। कालिकोटकी उनी सर्वसम्मत रूपमा अध्यक्ष चयन भएको उपाध्यक्ष दीपक देवकोटाले जानकारी दिए।
सिंह माओवादी नेता जनार्दन शर्मानिकट हुन्।
क्रान्तिकारीको अध्यक्षमा सुरेन्द्र बस्नेत पनि आकांक्षी थिए। क्रान्तिकारीको इतिहासमा पहिलो महिला अध्यक्ष सिंह बनेकी छन्।
