नेकपा एमालेका वरिष्ठ नेता माधवकुमार नेपाल पक्षले पार्टी एकताका लागि अन्तिम प्रयास गर्ने निष्कर्ष निकालेको छ।
मंगलबार नयाँ बानेश्वरस्थित होटल अर्यालमा बसेको नेपाल समूहको केन्द्रीय कमिटी सदस्य र सांसदहरूको बैठकले उक्त निष्कर्ष निकालेको हो।
बैठकलाई सम्बोधन गर्दै वरिष्ठ नेता नेपालले भने, ‘साथीहरूले अझै प्रयास गरौं र गर्छौं भन्नुभएको छ। त्यसैले यदि ओली सच्चिएर आए भने पार्टी एकताका लागि अन्तिम प्रयास गर्नेछौं।’
बैठकमा बोलेका केन्द्रीय सदस्य ठाकुर गैरेले पार्टी एकताका अन्तिम प्रयास गर्नुपर्ने बताएका थिए।
‘अध्यादेश पनि जारी भएको छैन। ईमान्दारपूर्वक केपी ओली तयार भए भने हामी एकताका लागि पनि तयार छौ। अध्यादेश आएपछि हामी विभाजनका लागि पनि तयार छौ,’ नेपालको भनाई उद्धृत गर्दै केन्द्रीय सदस्य राजेन्द्र राईले सेतोपाटीलाई बताए।