प्रदेश नम्बर २ का मुख्यमन्त्री लालबाबु राउतले गृहमन्त्री बालकृष्ण खाणलाई भेटेका छन्।
प्रदेश नम्बर २ को विकास र कोरोना रोकथाम तथा नियन्त्रणबारे उनीहरूबीच कुराकानी भएको छ।
मंगलबार गृह मन्त्रालयमा भएको भेटवार्तामा गृहमन्त्री खाणले कोरोना नियन्त्रण गर्न प्रदेश सरकारले प्राथमिकताका साथ काम गर्नुपर्नेमा जोड दिएका थिए।
मुख्यमन्त्री राउतले खोप पर्याप्त मात्रामा उपलब्ध नभएकोले उपलब्ध गराउन पहल गरिदिन आग्रह गरेका थिए। उपलब्ध खोप प्रयोग भए/नभएकोबारे मुख्यमन्त्रीले चासो राख्नुपर्नेमा गृहमन्त्री खाणको जोड थियो।
संघीय सरकार र प्रदेश सरकारको सम्बन्धलाई मजबुत बनाउँदै देश र जनताका पक्षमा प्रभावकारी काम गर्नुपर्नेबारे छलफल भएको गृहमन्त्री खाणको सचिवालयले जनाएको छ।
