नेपाली कांग्रेसका सभापति शेरबहादुर देउवाले सरकारको लापरवाहीले अक्सिजन अभावमा कोरोना संक्रमित बिरामीहरूको मृत्यु भइरहेको बताएका छन्।
आइसियू, भेन्टिलेटर र अक्सिजनको व्यवस्थापन गर्न सरकारले नसकेको देउवाको भनाइ छ।
‘सरकारको चरम लापरवाही, असंवेदनशीलता र अकर्मन्यताका कारण बढ्दो संक्रमणसँगै आइसियू बेड, भेन्टिलेटर र अक्सिजनको अभावमा मृत्यु हुनेको संख्या पनि दिनानुदिन बढ्दो छ,’ देउवाले शुक्रबार विज्ञप्ति निकालेर भनेका छन्।
यस्तो परिस्थितिमा नागरिक आफैँ पनि सचेत हुनुपर्ने देउवाको भनाइ छ।
साथै देउवाले इद-उल-फित्रको अवसरमा स्वदेश र विदेशमा रहेका नेपालीलाई शुभकामना पनि दिएका छन्।