प्रधानमन्त्री केपी ओलीले कोभिड महामारीविरूद्धको लडाइँमा सबै एकजुट हुनुपर्नेमा त्यसो हुन नसकेको बताएका छन्।
सोमबार प्रतिनिधिसभामा आफ्ना लागि विश्वासको मत माग्दै ओलीले सरकारले कोभिड–१९ विरुद्धको लडाइँमा अरूको साथ नपाएको जिकिर गरे।
‘हामी कोभिडविरुद्धको लडाइँमा छौँ, कतिपय कर्नरबाट कोभिडविरुद्धको औषधि खरिदमा भएको भ्रष्टाचारको कुरा उछाल्ने, नभएको कनेक्सन अनुचित ढंगले उठाउने काम भयो,’ उनले भने ।
उनले कोभिडको यस्तो महामारीको साझा संकटको बेला पनि, यसमा पनि भ्रष्टाचार गर्छ भने त्यो क्षम्य नहुने भन्दै त्यसलाई कारबाही हुने दाबी गरे।
उनले सम्बोधनकै क्रममा कोभिडविरुद्ध खोप व्यापक बनाइएको दाबीसमेत गरे।
