नवनियुक्त लुम्बिनी प्रदेशका मुख्यमन्त्री शंकर पोखरेलले आफूलाई अल्पमतमा पार्न अराजनीतिक नाटक मञ्चन भएको टिप्पणी गरेका छन्।
आइतबार राति शपथग्रहणपछि सम्बोधन गर्दै पोखरेलले नाटकीय रूपमा अराजनीतिक घटनाक्रम भएको बताएका हुन् ।
उनले जनता समाजवादी पार्टीको संसदीय दलको बहुमतले आफूलाई समर्थन दिए पनि अल्पमतमा रहेकाले उनीहरूलाई कारबाही गर्दै नाटक मञ्चन गरेको आरोप लगाए।
जसपाको संसदीय दलको समर्थन प्राप्त गरेपछि संयुक्त सरकारका रूपमा अघि बढ्ने हाम्रो तयारी थियो । तर, अल्पमतमा रहेकाहरूले कारबाही गरी नाटक मञ्चन गरिएको उनले बताए।
पोखरेलले जसपाका सांसदलाई कारबाही गरेपछि राजीनामा दिँदै एकल बहुमतको सरकार बनाउने आफ्नो प्रयासमा समेत अराजनीतिक ढंगले बाधा पुर्याउन खोजिएको पोखरेलको दाबी थियो। उनले प्रदेशसभामा भएका यस्ता गतिविधिबारे आगामी दिनमा छलफल हुने बताए।
हेर्नुहोस् भिडिओ
