संसद पुनर्स्थापनाको निर्णयको स्वागत गर्दै धनगढीमा जुलुस निकालिएको छ।
प्रचण्ड-नेपाल पक्षको नेकपाका नेता तथा कार्यकर्ताले धनगढीमा मैनबत्ती बालेर निर्णयको स्वागत गरेका छन्।
उनीहरूले प्रतिगमनको अन्त्य भएको र जनताको जित भएको भन्दै नाराबाजी गरेका छन्।
उक्त समूहको नेकपाको कैलाली जिल्ला अध्यक्ष दीर्घ सोडारीले जनताको पक्षमा फैसला सुनाएर न्यायालयले निष्पक्ष काम गरेको बताए।
उनले जनताको जित भएको भन्दै प्रधानमन्त्री केपी ओलीले नैतिकताका आधारमा तत्काल राजीनामा दिनुपर्ने बताए।
