नेपाल सरकारले म्यानमारको सेनाले ‘कू’ का सन्दर्भमा सोमबार साँझ आफ्नो औपचारिक धारणा सार्वजनिक गरेको छ।
परराष्ट्र मन्त्रालयले एक प्रेस विज्ञप्ति जारी गर्दै नेपालले म्यानमारको पछिल्लो घटनाक्रमलाई नजिकबाट नियाली रहेको बताएको छ।
सरकारले म्यान्मारमा विकसित पछिल्ला घटनाक्रमलाई नजिकबाट नियालिरहेको जनाउँदै सम्बद्ध सबै पक्षले म्यान्माका जनताको चाहनालाई सम्मान गर्ने विश्वास व्यक्त गरेको छ।
विज्ञप्तिमा म्यान्मामा लोकतान्त्रिक एवं संवैधानिक प्रक्रिया शीघ्र पुनःस्थापना हुनेमा नेपाल सरकार विश्वस्त रहेको जनाएको छ । 'हामीलाई आशा छ सम्बन्धित सबै पक्षले म्यानमारको जनताको मतको सम्मान गर्नेछन् र आशा गर्दछौँ प्रजातान्त्रिक र संवैधानिक प्रक्रिया चाँडै पुनर्बहाली हुनेछ,' विज्ञप्तिमा भनिएको छ।
राष्ट्रपति विन मिन्ट र राज्य सल्लाहकार आङसान सुचीसहित पक्राउ परेका नेताहरुको सुरक्षा एवं सकुशलताप्रति नेपाल सरकार उत्तिकै चिन्तित रहेको उल्लेख गर्दै विज्ञप्तिमा उनीहरूको तत्काल रिहाइका निम्ति आह्वान गरिएको छ।
'हामी हिरासतमा रहेका राष्ट्रपति विन मिल्ट र स्टेट काउन्सिलर आङ सान सूकीसहित अन्य नेताको सुरक्षा र अवस्थाबारे चिन्तित छौँ । उनीहरुको तत्काल रिहाइको लागि आग्रह गर्दछौँ,' विज्ञप्तिमा भनिएको छ।
