उपप्रधानमन्त्री ईश्वर पोखरेलसहित सरकारका तीन मन्त्रीलाई नेकपाका नेता/कार्यकर्ताले कालो झण्डा देखाएका छन्।
पार्टी कार्यक्रमका लागि सर्लाही पुगेका मन्त्रीलाई प्रचण्ड-नेपाल समूहका विद्यार्थीले मंगलबार कालो झण्डा देखाएका हुन्।
सर्लाहीको मंगलवामा आयोजित सभामा जाने क्रममा उपप्रधानमन्त्री ईश्वर पोखरेल, श्रम मन्त्री प्रभु साह र महिला बालबालिका तथा समाज कल्याण मन्त्री लिलानाथ श्रेष्ठलाई दाहाल-नेपाल समूहका विद्यार्थीले लालबन्दी नगरपालिकाको नवलपुरमा कालो झण्डा देखाएको अखिलकी नेतृ आरती लामाले सेतोपाटीलाई जानकारी दिइन्।
‘संसद् विघटन गर्ने सरकारका प्रधानमन्त्री र मन्त्रीहरुलाई सबैतिर कालो झण्डा देखाउने पूर्व निर्धारित कार्यक्रम अनुसार आजक कार्यक्रम गरिएको हो’, लामाले भनिन्,‘प्रहरीले रोक्न खोजे पनि हाम्रो संख्या बढी भएकाले सहयोगनै गर्यो।’
