बुटवलस्थित धागो कारखानामा रहेको कोरोना विशेष अस्पतालबाट निको भएर आइतबार ४ जना घर फर्किएका छन्। कोरोना जितेर घर जानेहरुमा तीन जना कपिलवस्तुका छन् भने एकजना रुपन्देहीका छन्।
लुम्बिनी प्रादेशिक अस्पताल बुटवलका कोरोना फोकल पर्सन डा. सुदर्शन थापाले आइतबार कोरोना जितेर घर जानेहरु १५ देखि ४० वर्ष उमेर समूहका रहेको जानकारी दिए।
उनीहरुमा वैशाख २९ र ३० गते कोरोना संक्रमण पुष्टि भएपछि अस्पतालमा भर्ना भएका थिए। यस अस्पतालबाट पहिलो पटक गत वैशाख ३० गते रुपन्देहीको कोटहीमाईका २५ वर्षीय युवकले कोरोना जितेर घर गएका थिए।
त्यसयता अस्पतालबाट १५ जनाले कोरोना जितेर घर फर्किएका छन्। हाल कोरोना अस्पतालमा ३२ जना उपचाररत छन्। तिमध्ये एकजनाको आइसियुमा उपचार भइरहेको डा. थापाले जानकारी दिए।
