पपुवा न्यूगिनीका पूर्व प्रधानमन्त्री पिटर ओनिललाई भष्ट्राचार आरोपमा शनिबार पक्राउ गरिएको प्रहरीले जनाएको छ।
उनी स्वदेश फर्किए लगत्तै पक्राउ परेका हुन्। उनलाई इजरायलबाट खरिद गरेको सामानलाई अनधिकृत रूपले ल्याएको आरोपमा छानविनका लागि पक्राउ गरिएको ‘रोयल पपुवा न्यूगिनी कोन्स्टाबुलरी’का सह–आयुक्त होज एटेद्वारा जारी विज्ञप्तिमा उल्लेख गरिएको छ।
'घटनामा उहाँले कार्यालय र अधिकारीलाई प्राप्त अधिकारको दुरूपयोग गरेको भन्ने तथ्यगत आधारहरू पेश भएका छन्। उहाँलाई छानविनका लागि पक्राउ गरिएको हो', एटेले भने।
पक्राउपछि पूर्व प्रधानमन्त्री ओनिलले आफूलाई राजनीतिक पूर्वाग्रहले पक्राउ गरिएको भन्दै आरोपको खण्डन गरेका छन्।
ओनिलमाथि प्रहरीले सोधपुछ गरिरहेको छ। उनलाई घरमा दुई हप्ता क्वारेन्टिनमा बस्न रिहा गरिने जनाइएको छ।
लामो समय पपुवा न्यूगिनीको नेतृत्वमा रहेका ओनिल आफ्नो कार्यकाल पूरा गरी सन् २०१९ मा पदबाट बिदा भएका थिए।
उनलाई न्युगिनीको राजनीतिमा प्रतिभावान प्रसिद्ध राजनितिज्ञका रूपमा हेर्ने गरिन्छ।