आजदेखि प्रधानमन्त्री केपी शर्मा ओली ६९ वर्ष लागेका छन्।
सत्तारूढ नेपाल कम्युनिष्ट पार्टी नेकपाका अध्यक्षसमेत रहेका प्रधानमन्त्री ओलीले आइतबार विहान बालुवाटारमा केक पनि काटेका थिए। छोराको जन्मदिन मनाउन प्रधानमन्त्री ओलीका बुवा मोहनप्रसाद ओली पनि बालुवाटार आएका छन्। उनी प्राय: झापा नै बस्ने गर्छन्।
प्रधानमन्त्रीको बर्थडे मनाउन उपप्रधान तथा रक्षामन्त्री ईश्वर पोखरेल पनि बालुवाटार पुगेका थिए।
प्रधानमन्त्री ओली आजै पुख्यौली थलो तेह्रथुम जाँदैछन्। प्रधानमन्त्री आउने भएपछि तेह्रथुमको आठराई गाउँपालिकाले सार्वजनिक बिदा दिएको छ।
प्रधानमन्त्री ओलीले जन्मदिनकै अबसरमा शनिबार ‘भिजन टु एक्सन’ किताव ल्याएका थिए।
प्रधानमन्त्री ओलीका परराष्ट्र सल्लाहकार राजन भट्टराईले प्रधानमन्त्री ओलीले जन्मदिन मनाएका केही तस्वीर फेशबुकमा राखेका छन्।
