भारतका उपराष्ट्रपति तथा माथिल्लो सदन राज्यसभाका अध्यक्ष वैयन्का नायडुले संसदभित्र विवादास्पद अभिव्यक्ति दिएका छन्।
मंगलबार साँझ सकिएको हतियारसम्बन्धी ऐनको संशोधन विधेयकको छलफलमा बोल्न खोज्ने एक महिला सांसदलाई उनले महिलाहरूलाई अरूले जोगाइहाल्छन् नि भन्दै बोल्न दिएनन्।
लोकसभाबाट पारित भइसकेको उक्त संशोधन विधेयकमा मंगलबार अन्तिम छलफल हुँदै थियो। त्यही क्रममा सत्तारूढ भारतीय जनता पार्टीका दुई महिला सांसदले आफ्ना कुरा राख्न खोजेका थिए।
‘मलाई महिलाहरूलाई बन्दुक चाहिन्छ भन्ने लाग्दैन अरूहरूले तपाईंलाई जोगाउनेछन्,’ नायडुले भने।
उनले छलफलका लागि छुट्याइएको समय सकिएको भए पनि दुईमध्ये एक जनालाई बोल्न अनुमति दिए।
भाजपा सांसद रूपा गांगुलीले आफूलाई बच्चेदेखि सुटिङमा रूची भएको र त्यसमा आनन्द लाग्ने बताइन्।
अध्यक्ष नायडुको उक्त अभिव्यक्तिको सामाजिक सञ्जालमा आलोचना भइरहेको छ।
भारतका दुबै सदनले ६० वर्ष पूरानो हतियार ऐनमा संशोधन पास गर्दै गैरकानुनी हतियार राख्ने र सुरक्षाकर्मीबाट हतियार खोस्नेलाई कडा कारबाहीको व्यवस्था गरेका छन्।
