प्रधानमन्त्री केपी शर्मा ओलीले निजामति कर्मचारीहरुको आधिकारिक ट्रेड युनियन खारेज गर्ने पक्षमा सरकार नरहेको बताएका छन्। कर्मचारीको ट्रेड युनियन खारेज गर्न लाग्यो भनेर भ्रम फिजाइएको उल्लेख गर्दै प्रधानमन्त्रीले खारेज गर्ने पक्षमा सरकार नरहेको प्रष्ट पारे।
बुधबार विहान प्रधानमन्त्रीको सरकारी निवास बालुवाटार पुगेका ट्रेड युनियन पदाधिकारीसँगको भेटमा ओलीले राष्ट्र निर्माण अभियानमा लाग्न कर्मचारीलाई निर्देशन दिए।
कर्मचारीको सहयोग विना सरकार एक्लैले केही गर्न नसक्ने उनको भनाइ थियो। युनियनका अध्यक्ष पुण्यप्रसाद ढकालले स्थानीय तहमा जाने कर्मचारी अलपत्र परेकोले उनीहरुको समस्या समाधान गर्न प्रधानमन्त्रीलाई आग्रह गरेका थिए।