बाढी, पहिरो र डुबानका कारण अवरुद्ध देशभरका विद्युत सेवा साउन १ सम्ममा सूचारु गराउने प्रतिवद्धता जनाएको छ।
उर्जा, जलस्रोत तथा सिंचाई मन्त्री वर्षमान पुनले मंगलबार काठमाडौंमा पत्रकार सम्मेलन गरी बाढी, पहिरो र डुबानका कारण अवरुद्ध विद्युत सेवा भोलिसम्म सबै ठाउँमा सूचारु गराउने गरी कामलाई अघि बढाइएको जानकारी दिए।
उनले कुलेखानी जलविद्युत आयोजनामा पानीको सतह नियन्त्रणका लागि आवश्यक व्यवस्था मिलाइएको पनि जानकारी दिए। बाढी, पहिरो र डुबानका कारण देशका विभिन्न भागमा विद्युत आपूर्ति नै बन्द हुन पुगेको छ। मन्त्री पुनले ती सबै समस्या भोलिसम्म समाधान हुने बताए।
सरकारले नदी नियन्त्रणका लागि आवश्यक व्यवस्था मिलाएको उनको दावी छ। आपतकालीन कार्यका लागि नदी नियन्त्रणका क्षेत्रका काम गर्ने १५ वटा आयोजनालाई तयारी अवस्थामा राखिएको मन्त्री पुनको भनाई छ।मन्त्रालयले रानी–जमरा–कुलरिया सिंचाई आयोजनाको हालसम्म ८ किलो मिटर मूल नहर निर्माण कार्य सम्पन्न गरिएको जनाएको छ।
