नेपाली कांग्रेसको भातृ संगठन नेपाल विद्यार्थी संघले काठमाडौंमा मसाल जुलुस प्रदर्शन गरेको छ।
भारतलगायत तेस्रो मुलुकबाट नेपाल भित्रने तरकारी तथा फलफूलमा हुने विषादी नाकामा परीक्षण गर्ने निर्णयबाट सरकार पछि हटेको भन्दै नेविसंघले चरणवद्ध आन्दोलनका कर्यक्रम अन्तर्गत बिहीबार साँझ मसाल जुलुस प्रदर्शन गरेको हो।
सरकारविरूद्ध नाराबाजी गर्दै नेविसंघले बालाजुमा मसाल जुलुस निकालेको थियो।
मसाल बोकेर प्रदर्शनमा उत्रिएका नेविसंघका सुशील भट्ट, सुवास घिमिरे, पवन थापा, निरञ्जन थापा, विजय ढुंगाना, सुदीप अधिकारी, मनोज राना, सौरभ घिमिरे, सन्देश पन्त, सुशील ढकाल, प्रदीपजंग शाह, उत्सव अवस्थी, अमृत लामिछाने, अनिल मर्हजनलाई प्रहरीले पक्राउ गरेको छ।
