भारतीय कंग्रेसको पुरानो किल्ला मानिने उत्तर प्रदेशको अमेठीमा अध्यक्ष राहुल गान्धीलाई पछि पार्दै भारतीय जनता पार्टीकी स्मृति इरानीले अग्रता लिएकी छन्।
भारतीय लोकसभा चुनावको पछिल्लो मतपरिणाममा इरानीले गान्धीलाई उछिनेकी हुन्। २०१४ को चुनावमा जम्मा १ लाख मतले उनले राहुलसँग हार्नुपरेको थियो। बिहीबार विहान ८ बजेदेखि मत गणना सुरू भएको थियो।
१९६७ देखि अहिलेसम्म अमेठीमा जम्मा २ पटकमात्र कंग्रेसले हार बेहोरेको छ।
२००४ पछि भने यो क्षेत्रमा राहुल गान्धी चुनाव लड्दै आएका छन्। त्यसअघि उनकी आमा सोनिया गान्धी लड्दै आएकी थिइन्।
२००४ मा उनले अमेठी छोडेर पूर्वप्रधानमन्त्री इन्दिरा गान्धीको क्षेत्र रायवरेलीबाट चुनाव लड्न थालिन्।
२००४ मा राहुलले ६६ प्रतिशत भोट ल्याएका थिए। २००९ मा उनले उक्त मत बढाएर ७२ प्रतिशत बढाएका थिए। तर २०१४ मा उनको मत एकै ४६ प्रतिशतमा सिमित भयो।
त्यो मत गान्धी परिवारले अमेठीबाट पाएको सबैभन्दा कम मत थियो।
त्यतिबेला इरानीलाई राहुलले झण्डै १ लाख मत अन्तरले ले जितेका थिए। राहुलले ४ लाख मत प्राप्त गर्दा ईरानीले ३ लाख मत कटाएकी थिइन्। अमेठी कांग्रेसको गढ मानिने अमेठी यसपालि कंग्रेसले गुमाउन पनि सक्ने भारतीय सञ्चारमाध्यामले जनाएका छन्।
त्यसैले राहुल केरलाको वायनाथबाट पनि चुनाव लडेका हुन्। त्यहाँ उनले अग्रता लिएका छन्। अमेठीमा इरानीसँग उनको कडा टक्कर भएपनि वायनाथमा भने राहुलले सजिलै जित हात पार्न सक्ने भारतीय सञ्चारमाध्यामले जनाएका छन्।
