श्रीलंकामा आइतबार दुई सय ९० जनाको जनाको ज्यान जाने गरी भएको बम विष्फोटबारे सरकारी लापरबाही भएको भन्दै विवाद बढेको छ।
श्रीलंकन सरकारका मन्त्री रजित सेनारत्नेले कोलम्बोमा पत्रकारसँग कुरा गर्दै अन्तर्राष्ट्रिय खुफिया एजेन्सीहरूले हमला हुन सक्ने चेतावनी दिएको तर यो सूचना प्रधानमन्त्री रनिल विक्रमसिंघेसम्म नपुगेको बताएका थिए।
यस्तो हमला हुनुभन्दा पहिले आएका सूचना र चेतावनीलाई सरकारले वेवास्ता गरेको र सरकारले आवश्यक कदम नचालेको कतिपयको आरोप छ। पूर्वसूचना आएको थाहा भएपछि राष्ट्रपतिले छानविन गर्ने भएका छन्।
राष्ट्रपति मैत्रीपाल सिरीसेनाका सल्लाहाकार शिराल लकथिलाले बीबीसीलाई बताएअनुसार पूर्वसूचना र सरकारले आवश्यक कदम चालेको थियो कि थिएन भन्नेबारे जाँचबुझ हुनेछ।
पुलिसका अनुसार अहिलेसम्म २४ जनालाई पक्राउ गरिएको छ। पक्राउ परेका सबै श्रीलंकन नागरिक हुन्। उनीहरूको सम्पर्क अन्तराष्ट्रीइ संगठनहरूसँग भएको नभएको बारे अध्ययन हँदै छ।
श्रीलंकाका रक्षा मन्त्री रूवान विजेवर्दनेले पक्राउ परेकाहरू धार्मिक अतिवादीहरू भएको बताएका छन्। तर उनीहरू कुन समूहका हुन् भन्ने खुलाएका छैनन्।
तर पनि यो घटना कसले घटाएको हो भन्ने पत्ता लाग्न सकेको छैन।
उक्त वम विष्फोटपछि श्रीलंकामा कर्फ्यु लागेको थियो सोमबार ने उक्त कर्फ्यु हटाइयो। देशभर सामाजिक सञ्जालहरूलाई बन्द गरिएको छ।
उक्त वमविष्फोटमा परि २९० जनाको ज्यान गएको छ भने पाँचसय जना घाइते भएको अन्तराष्ट्रिय सञ्चारमाध्यामले जनाएका छन्।
अन्तराष्ट्रीय खुफिया एजेन्सीहरूले हमला हुन सक्ने चेतावनी दिएपनि यो सूचना प्रधानमन्त्री रनिल विक्रमसिंघेसम्म नपुगेको थाहा भएपछि श्रीलंकामा घटनालाई लिएर विवाद बढेको छ। यस्तो हमला हुनुभन्दा पहिले आएका सूचना र चेतावनीलाई सरकारले वेवास्ता गरेको र सरकारले आवश्यक कदम नचालेको कतिपयको आरोप छ। पूर्वसूचना आएको थाहा भएपछि राष्ट्रपतिले छानविन गर्ने भएका छन्।
राष्ट्रपति मैत्रीपाल सिरीसेनाका सल्लाहाकार शिराल लकथिलाले पूर्वसूचना र सरकारले आवश्यक कदम चालेको थियो कि थिएन भन्नेबारे जाँचबुझ हुने बताएका थिए।