नेपाली कांग्रेसका केन्द्रीय सदस्य शेखर कोइरालाले पार्टी गुटले चलाएको बताएका छन्।
शनिबार पार्टीका अगुवा कार्यकर्तालाई चितवनको रत्ननगरमा प्रशिक्षण दिँदै कोइरालाले पार्टीभित्र अनावश्यक गुट मौलाएको बताए।
‘पार्टी गिरोहले चलाएको छ। राजनीतिक संस्कार र नैतिकता सिकाउँदै पार्टीलाई बलियो बनाउनुपर्छ।’
पार्टीको १४ औं महाधिवेशन समयमै गर्नुपर्ने उनको भनाइ छ। महाधिवेशन गर्ने नाममा थप एक वर्ष कार्यकाल थप गर्न नहुने कोइरालाले बताए।
कांग्रेस बलियो नभए संघीयतामा खतरा पर्ने जिकिर गरेका कोइरालाले भने, ‘लामो संघर्षपछि प्राप्त संघीयतालाई सफल बनाउन पार्टी सजग हुनुपर्ने बेला आएको छ।’
मुलुकमा दण्डहीनता बढेको भन्दै कोइरालाले लगानीको वातावरण नहुनु दु:खद भएको बताए।
‘राजनीतिक स्थिरता भए पनि मुलुकमा व्यापार घाटा बढ्दै जानु दु:खद पक्ष हो,’ उनले भने।
