नेपाली कांग्रेसका वरिष्ठ नेता रामचन्द्र पौडेलले जनमत संग्रह आवश्यक नभएको बताएका छन्।
सिन्धुलीमा शनिबार पत्रकारहरूसँगको कुराकानीमा पौडेलले कांग्रेसले जनमत संग्रहको माग गर्न नहुने बताए।
‘अहिले जनमत संग्रह आवश्यक छैन। जनमत संग्रहको नाममा प्रजातन्त्रलाई कमजोर बनाउन हुन्न,’ पौडेलले भने।
पौडेल समूहकै नेता, महामन्त्री शशांक कोइरालाले गणतन्त्र, हिन्दु धर्म र संघीयतामा आवश्यक परे जनमत संग्रहमा जानुपर्ने तर्क गरेपछि पौडेलको धारणा आएको हो।
‘जनमत संग्रहले डेमोक्रेसीलाई कमजोर पार्छ,’ उनले भने।
कांग्रेसले प्रभावकारी प्रतिपक्षको भूमिका खेल्न नसकेको उनको भनाइ छ।
